Конференција за еко-туризам во Охридскиот регион

„Четири сезони еко-туризам во Охридскиот регион“ е темата на денешната конференција во организација на Зелениот институт, ДОМ и холандската фондација Биро де Хелинг.

На конференцијата стана збор за алтернативните форми на туризам со строга заштита на животната средина, за да се задржи статусот на заштитено подрачје од УНЕСКО за Охридскиот регион. Учесниците дискутираа за збогатување на понудата, од планинарење, планински велосипедизам и параглајдинг, преку водено поврзување на сите места покрај Охридското Езеро со еко-превоз, до култура, традиција и автентична локална храна.

„Целта е во Охридскиот регион да се иницираат и поддржат атрактивни настани и активности кои ќе ги привлечат домашните и странските туристи, но и да се обезбеди туристичка понуда конкурентна со онаа во регионот“, велат организаторите.

ОХРИД 24

Facebooktwittergoogle_pluslinkedinmail

© Ohrid24.mk. Сите права се задржани.
Текстот не смее да се презема, во целина или во делови без договор со Ohrid24.mk